Düzülüş: Təcrübə və çaşqınlıq
Taktiki düzülüşün keyfiyyəti
Sizin komanda istədiyiniz hər bir taktiki düzülüşdə oynaya bilər, lakin oyunçularınız əvvəllər oynamadıqaları düzülüşlərdə oynasalar onlarda çaşqınlıq yarana bilər. Çaşqınlığın yaranmaması üçün komanda müxtəlif düzülüşlərdə oynayıb təcrübəsini artırmalıdır.
Siz hər dəfə meydana çıxdığınız taktiki düzülüşlərə görə təcrübə qazanırsız (turnir, dağ, duel və Hattrick Masters matçları deyil, yalnız yoldaşlıq oyunları və rəsmi görüşlər nəzərə alınır). Təcrübənin nə qədər çox qazanılması məşqlərdə olduğu kimi komandanın həmin düzülüşdə nə qədər oynamasından asılıdır (90 dəqiqə maksimum). Bununla belə, texniki qalibiyyət əldə etsəniz və start heyətinizdə ən azı 9 oyunçu meydana çıxarsanız, matç 90 dəqiqə oynanılmış kimi düzülüş təcrübəsi də əldə edəcəksiniz. Ən azı 9 oyunçudan ibarət matç təlimatları göndərməsəniz və digər funksionerləri sizin üçün ilkin heyəti seçərsə, oyunçularınız heç bir düzülüş təcrübəsi əldə etməyəcəklər.
Düzülüş təcrübəsi nə qədər yüksək olarsa, onun təcrübəsini yüksəltmək bir o qədər çətinləşir. Bir müddət müəyyən düzülüşdən istifadə etməsəniz, həmin düzülüş təcrübəsi azalacaq. Bir oyunçu satarkən az da olsa düzülüş təcrübəsini itirmək riski də var.
Çaşqınlıq
Əgər konkret düzülüşdə təcrübə kifayət qədər deyilsə onda həmən düzülüşdə oynayan zaman oyunçularda çaşqınlıq yaranması faizi artır. Düzülüşün keyfiyyətinin əla və ya yaxşı dərəcələrində çaşqınlıq riski demək olar ki olmur. Siz taktiki keyfiyyətin az olduğu düzülüşdə meydana çıxırsızsa o zaman oyunçuların oz təcrübələri hesabına komanda özünəinam hissini bərpa edə bilər.
Taktiki düzülüş keyfiyyəti nə qədər az olarsa oyunçuların özünəinam hissi bir o qədər aşağı düşür. Əgər oyunda çaşqınlıq yaranarsa onda matçın hesabatında bu göstərilir. Oyunun təşkili "çox pis" səviyyədədirsə bu o deməkdir ki, komandanın işləri heç də yaxşı getmir, bundan sonra oyunun təşkilinin səviyyəsi "yaxşı" səviyyəyə qalxarsa bu oyuna məhdud şəkildə təsir edəcək. Əgər oyunçularınızda birinci hissədə və ya əlavə olunmuş hissələrdən əvvəl çaşqınlıq yaranırsa, o zaman məşqçi fasilə zamanı oyunçulara əlavə tapşırıqlar verməklə vəziyyəti düzəldə bilər.
Oyunçuların fərdi təcrübəsi
Təcrübə futbolçunun oyununa müsbət təsir göstərir. Futbolçular oynadıqları matçlara əsasən fərdi şəkildə təcrübə qazanır. Milli və Diviziya kubok oyunları liqa oyunlarına nisbətən iki dəfə çox təcrübə qazanmaq imkanı yaradır. Challenger və Consolation kuboku oyunçulara liqada qazanılan təcrübənin yarısını verir.
Beynalxalq yoldaşlıq matçları liqa matçlarına nisbətən beş dəfə az, yerli klublarla oynanılan yoldaşlıq matçları isə beynalxalq yoldaşlıq matçlarından iki dəfə az təcrübə qazanmaq imkanı verir. Milli komandalar səviyyəsində olan matçlar və Hattrick Masters oyunları isə maksimal təcrübə qazanmaq üçün daha əlverişlidir.
Futbolçunun qazana biləcəyi təcrübənin miqdarı onun meydanda neçə dəqiqə oynayacağından asılıdır. Futbolçunun 90 dəqiqə oynadığı matçdan aldığı təcrübə maksimal hesab olunur.
Komandanın kapitanı və ümumi təcrübə
Hər oyun üçün kapitan təyin etmək olar. Kapitan üçün əsas təcrübə və liderlik parametrləri daha çox vacibdir. Bu parametrlər bir bonus kimi komandanın ümumi təcrübəsinə və gərgin situasiyalarda oyunçuların əsəblərinə təsir edir.
Bunu da qeyd edək ki, yalnız ümumi təcrübəsi rəqibin təcrübəsindən az olan komandalar gərgin vəziyyətlərdə oyununu itirə bilər. İki komandanın təcrübə səviyyələri arasındakı fərq oyunçuların nə qədər gərgin olduğunu təyin edəcək. Komandalar liqa və yoldaşlıq matçlarında belə halla rastlaşmayacaqlar.
Komandanın kapitanı start heyətdə yer almalıdır. Əgər siz kapitanı seçməsəniz, o zaman futbolçular öz aralarında püşkatma yolu ilə kapitanı müəyyənləşdirəcəklər.
Penalti zərbələri
Kubok ve seçmə mərhələ matçlarında əlavə hissələrdən sonra bərabərlik olarsa o zaman 11 metrlik cərimə zərbələri oynanılır. Penaltini vuran futbolçuları "Matç təlimatları" səhifəsində yerləşən "Penaltilər" menyusundan seçmək olar.
Yadda saxlayın ki, oyundan sonrakı penaltilər oyunun ən gərgin hissəsidir. Bu zaman penaltini yerinə yetirən futbolçuların təcrübəsi əsas amillərdən biridir.
Bundan başqa penaltini vuran oyunçunun hücum və standart vəziyyətlər bacarığı həmçinin futbolçunun xüsusi bacarıqlarından biri olan texnika da əsas göstəricilərdəndir. Qapıçılar üçün isə penaltini qaytarmaq üçün qapıçılıq və cəld xüsusi bacarığı əsas götürülür.